ઇમરાન ખાને આપ્યું આમંત્રણ, સિદ્ધુ ફરી પાકના બનશે મહેમાન

November 24, 2018 - krishana trivedi

No Comments

 

પાકિસ્તાનના પ્રધાનમંત્રી ઇમરાન ખાને કોંગ્રેસના નેતા અને પંજાબ સરકારમાં મંત્રી નવજોત સિંહ સિદ્ધુને કરતારપુર બોર્ડર કૉરિડોર શિલાન્યાસ કાર્યક્રમમાં આમંત્રણ આપ્યું છે. આ કાર્યક્રમ 28 નવેમ્બરે યોજાશે. ઇમરાન ખાન જ્યાં આ કોરિડોરના નિર્માણની આધારશિલા પાકિસ્તાન સરહદમાં રાખશે ત્યાં બીજી તરફ રાષ્ટ્રપતિ રામનાથ કોવિંદ અને પંજાબના મુખ્યમંત્રી અમરિંદર સિંહ ડેરા બાબા નાનકમાં 26 નવેમ્બરે તેની આધારશિલા રાખશે.

કેન્દ્રિય કેબિનેટ દ્વારા પંજાબના ગુરુદાસપુર જિલ્લાના ડેરા બાબા નાનકથી આંતરરાષ્ટ્રીય બોર્ડર સુધી કરતારપુર કોરિડોરના નિર્માણની મંજૂરી પછી એક દિવસ બાદ ઇમરાન ખાને સિદ્ધુને આ આમંત્રણ મોકલ્યું છે. કેન્દ્રિય મંત્રીમંડળે એક મહત્વપૂર્ણ નિર્ણયમાં ગુરદાસપુર જિલ્લામાં ડેરા બાબા નાનકથી આંતરરાષ્ટ્રીય સીમા સુધી કરતારપુર કોરિડોરના નિર્માણ અને તેના વિકાસને મંજૂરી આપી છે. જેથી ભારતથી તીર્થ યાત્રિઓ સરળતાથી પાકિસ્તાનમાં રાવી નદી કિનારે સ્થિત ગુરુદ્વારા દરબાર સાહિબ કરતારપુર જઈ શકે.

krishana trivedi

Leave a comment

Your email address will not be published. Required fields are marked *