Surat: પાંડેસરામાં યુવાનની સતર્કતાથી આઠ વર્ષની બાળકી દુષ્કર્મથી બચી

October 13, 2018 - neha maheriya

No Comments

સુરતના ડિંડોલી વિસ્તારમાં બાળકી સાથે દુષ્કર્મની ઘટના તાજી જ છે ત્યાં પાંડેસરા વિસ્તારમાં આઠ વર્ષની એક બાળકી સાથે દુષ્કર્મની ઘટના બનતાં અટકી છે. એક ભરવાડ યુવાનની જાગૃતિના કારણે બાળકી સાથે દુષ્કર્મ થતાં રહી ગયું હતું. સાઇકલ પર ફેરવવાના બહાને એક યુવાન આઠ વર્ષની બાળકીને ઝાડીમાં લઈને જતો હતો.આ અંગેની વિગત એવી છે કે પાંડેસરા વિસ્તારમાં આવેલા સિદ્ધાર્થનગર ફાયર સ્ટેશનની બાજુમાંથી એક યુવાન સાઇકલ પર આઠ વર્ષની બાળકીને લઈને પસાર થઈ રહ્યો હતો. યુવાન બાળકીને લઈ સરકારી સ્કૂલની પાછળ ઝાડી-ઝાંખરામાં પહોંચ્યો ત્યારે કાળુભાઈ ભરવાડ નામના યુવાને ઝાડીમાં બાળકી સાથે યુવાનને જોતાં તેમને શંકા ગઈ હતી.તેઓએ તાત્કાલિક તે યુવાન પાસે પહોંચી જઈ બાળકી અંગે પૂછપરછ કરી હતી. તેણે બાળકી વિષે પૂછપરછ કરતાં કાંઈ નથી કર્યું તેવું જ રટણ ચાલુ રાખ્યું હતું. પાંડેસરા પોલીસને જાણ કરવામાં આવતાં પોલીસ ઘટનાસ્થળે દોડી આવી હતી. પોલીસ તપાસમાં જાણવા મળ્યું હતું કે પાંડેસરામાં ઘરઆંગણે બે બહેનો રમતી હતી, જેમાં દસ વર્ષની મોટી બહેન હિમાનચલ નામના યુવાન સાથે સાઇકલ પર જવા તૈયાર થઈ નહીં પણ આઠ વર્ષની બહેન તૈયાર થઈ ગઈ. મોટી બહેનની હાજરીમાં જ નાની બહેનને સાઇકલ પર લઈ ગયો હતો.પોલીસે યુવાનની ધરપકડ કરી પૂછપરછ કરતાં અમરોલીના કોસાડ આવાસમાં રહેતો હિમાનચલ ગંધામુદુલી (ઉં.વ.૪૦) મની એક્સચેન્જની કામગીરી માટે પાંડેસરા વિસ્તારમાં આવ્યો હતો.પોલીસે આરોપી હિમાનચલની ધરપકડ કરી વધુ તપાસ શરૂ કરી છે.

neha maheriya

Leave a comment

Your email address will not be published. Required fields are marked *